Breathless Lyrics – Shankar Mahadevan
Breathless Lyrics by Shankar Mahadevan is brand new Hindi song sung by Shankar Mahadevan and music of this latest song is also given by Shankar Mahadevan himself. Breathless song lyrics are also penned down by Javed Akhtar while music video has been released by Saregama.
| Song: | Breathless |
| Singer: | Shankar Mahadevan |
| Lyricist: | Javed Akhtar |
| Musician: | Shankar Mahadevan |
| Starring: | Shankar Mahadevan |
| Label: | Saregama |
Breathless Lyrics
Koyi Jo Mila Toh
Mujhe Aisa Lagta Tha
Jaise Meri Saari Duniya Mein
Geeton Ki Rut Aur
Rangon Ki Barkha Hai
Khushbu Ki Aandhi Hai
Mehki Hui Si Ab Saari Fizayein Hain
Behki Hui Si Ab Saari Hawayein Hain
Khoyi Hui Si Ab Saari Dishayein Hain
Badli Hui Si Ab Saari Adayein Hain
Jagi Umangein Hain
Dhadak Raha Hai Dil
Saanson Mein Toofaan Hai
Honthon Pe Nagmein Hain
Aankhon Mein Sapne Hain
Sapnon Mein Beete Hue
Saare Woh Lamhein Hain
Jab Koyi Aaya Tha
Nazron Pe Chhaya Tha
Dil Mein Samaya Tha
Kaise Main Bataun Tumhein
Kaisa Use Paya Tha
Pyare Se Chehre Pe
Bikhri Jo Zulfein
Toh Aisa Lagta Tha
Jaise Bhawre Ke Pichhe
Ek Os Mein Dhula Hua
Phool Khila Hai
Jaise Baadal Mein
Ek Chand Chhupa Hai
Aur Jhaank Raha Hai
Jaise Raat Ke Parde Mein
Ek Savera Hai Roshan Roshan
Aankhon Mein Sapnon Ka Sagar
Jismein Prem Sitaaron Ki Chadar Jaise
Jhalak Rahi Hai Lehron Lehron
Baat Kare Woh Jaise Moti Barse
Jaise Kahin Chandi Ki Payal Goonjein
Jaise Kahin Sheeshe Ke Jaam Gire
Aur Chhan Se Toote
Jaise Koyi Chhip Ke Sitaar Bajaye
Jaise Koyi Chandani Raat Mein Gaaye
Jaise Koyi Haule Se Paas Bulaye
Kaisi Mithi Baatein Thi Woh
Kaisi Mulakaatein Thi Woh
Jab Maine Jaana Tha
Nazron Se Kaise Pighalte Hain Dil
Aur Aarzu Pati Hai Kaise Manzil
Aur Kaise Utarta Hai Chand Zameen Par
Kaise Kabhi Lagta Hai Swarg Agar Hai
Toh Bas Hai Yahin Par
Usne Banaya Mujhe
Aur Samjhaya Mujhe
Hum Jo Mile Hai
Humein Aise Hi Milna Tha
Gul Jo Khile Hai
Unhein Aise Hi Khilna Tha
Janmon Ke Bandhan
Janmon Ke Rishte Hain
Jab Bhi Hum Janme Toh
Hum Yoon Hi Milte Hain
Kaanon Mein Mere Jaise
Shahad Se Ghulne Lage
Khwaabon Ke Par Jaise
Aankhon Mein Ghulne Lage
Khwaabon Ki Duniya Bhi
Kitni Haseen Aur Kaisi Rangeen Thi
Khwaabon Ki Duniya Jo Kehne Ko Thi
Par Kahi Bhi Nahi Thi
Khwaab Jo Toote Mere
Aankh Jo Khuli Meri
Hosh Jo Aaya Mujhe
Maine Dekha Maine Jaana
Woh Jo Kabhi Aaya Tha
Nazron Pe Chhaya Tha
Dil Mein Samaya Tha
Ja Bhi Chuka Hai
Aur Dil Mera Hai
Ab Tanha Tanha
Na Toh Koyi Armaan Hai
Na Koyi Tamanna Hai
Aur Na Koyi Sapna Hai
Ab Jo Mere Din Aur
Ab Jo Meri Raatein Hain
Unmein Sirf Aansu Hain
Unmein Sirf Dard Ki
Ranj Ki Baate Hain
Aur Fariyadein Hain
Mera Ab Koyi Nahi
Main Hoon Aur Khoye Hue
Pyar Ki Yaadein Hain
Main Hoon Aur Khoye Hue
Pyar Ki Yaadein Hain
Main Hoon Aur Khoye Hue
Pyar Ki Yaadein Hain
Written by: Javed Akhtar
